نہیں یہ ضد کہ ہر اک درد تو مرا لے جا

نہیں یہ ضد کہ ہر اک درد تو مرا لے جا

جو ہو سکے تو یہ برسوں کا رت جگا لے جا

ترا تو کیا کہ خود اپنا بھی میں کبھی نہ رہا

مرے خیال سے خوابوں کا سلسلہ لے جا

کسی نے دور بہت دور سے پکارا پھر

دلوں کی قربتیں آنکھوں کا فاصلہ لے جا

نکل گیا ہوں بہت اپنی ذات سے آگے

تو مجھ سے میرے بچھڑنے کا سانحہ لے جا

میں خود ہی اپنے تعاقب میں پھر رہا ہوں ابھی

اٹھا کے تو میری راہوں سے راستا لے جا

عجیب زہر رواں ہے لہو کی گردش میں

کبھی تو شعلگئ جاں کا ذائقہ لے جا

امیر شہر مجھے حرمت ہنر ہے بہت

یہ اپنا طرۂ دستار یہ قبا لے جا

nahin ye zid ke har ik dard to mira le ja

jo ho sake to ye barson ka rut jaga le ja

tira to kya ke khud apna bhi main kabhi na raha

mire khayal se khwabon ka silsila le ja

kisi ne dur bahut dur se pukara phir

dilon ki qurbaten ankhon ka fasla le ja

nikal gaya hun bahut apni zat se age

tu mujh se mere bichharne ka saneha le ja

main khud hi apne taaqub mein phir raha hun abhi

utha ke to meri rahon se rasta le ja

ajib zahr-e-rawan hai lahu ki gardish mein

kabhi to sholagi-e-jan ka zaiqa le ja

amir-e-shahr mujhe hurmat-e-hunar hai bahut

ye apna turra-e-dastar ye qaba le ja