ہیں مدتوں سے دیکھنے والوں کے منتظر

ہیں مدتوں سے دیکھنے والوں کے منتظر

احساس بے پناہ کی جاگیر اور ہم

کوشش نہ کام آئے گی یہ کس نے کہہ دیا

بیٹھے بٹھائے مان لیں تقدیر اور ہم

ممکن کہاں کوئی نظر انداز کر سکے

باہم رہے ہیں شہر کی توقیر اور ہم

جائیں گے ایک روز سمندر کی گود میں

دریا کے ساتھ ریت کی تحریر اور ہم

فرصت کہاں کہ اور کہیں دیکھیے فہیمؔ

ہر سانس اپنی خاک کی تعمیر اور ہم

hain muddaton se dekhne walon ke muntazir

ehsas-e-be panah ki jagir aur ham

koshish na kam aegi ye kis ne kah diya

baithe bithae man len taqdir aur ham

mumkin kahan koi nazar andaz kar sake

baham rahe hain shahr ki tauqir aur ham

jaenge ek roz samundar ki god mein

dariya ke sath ret ki tahrir aur ham

fursat kahan ke aur kahin dekhiye fahim

har sans apni khak ki taamir aur ham