ہم کو کچھ یاد نہیں تیرے سوا بھول گئے

ہم کو کچھ یاد نہیں تیرے سوا بھول گئے

اپنی صورت ہی نہیں اپنی صدا بھول گئے

کوچہ چشم کے سب نقش و نوا بھول گئے

ہم پہ وہ وقت پڑا شور انا بھول گئے

میں اکیلا ہی رہا برگ و ثمر سے خالی

موسم گل میں مجھے میرے خدا بھول گئے

موت اور ہجر مسلسل میں کوئی فرق نہیں

تو تو پھر تو ہے ہم اپنی وفا بھول گئے

اب کے یوں راکھ ہوا منظر آہو چشماں

دشت اے دشت تری پچھلی ہوا بھول گئے

اتنا بکھرا ہوا لہجہ یہاں لطف الرحمنؔ

آپ بھی اپنی وہ کچھ طرز ادا بھول گئے

ham ko kuchh yad nahin tere siwa bhul gae

apni surat hi nahin apni sada bhul gae

kucha chashm ke sab naqsh-o-nawa bhul gae

ham pe wo waqt para shor-e-ana bhul gae

main akela hi raha barg-o-samar se khali

mausam-e-gul mein mujhe mere khuda bhul gae

maut aur hijr musalsal mein koi farq nahin

tu to phir to hai ham apni wafa bhul gae

ab ke yun rakh hua manzar-e-ahu chashman

dasht ai dasht tiri pichhli hua bhul gae

itna bikhra hua lahja yahan lutf alrrahaman

ap bhi apni wo kuchh tarz-e-ada bhul gae