کون سا دل ہے جو شکار نہیں

کون سا دل ہے جو شکار نہیں

اے ستم گر ترا شمار نہیں

شوق کو اب بھی اعتبار نہیں

دامن شوق تار تار نہیں

حسن جب حسن ہے کہ وار کرے

وار خالی رہے تو وار نہیں

تجھ سے کیا اختیار کی امید

دل کا جب دل پہ اختیار نہیں

تجھ سے مایوس کیا ہو کوئی صبا

دل کے موسم پہ اختیار نہیں

جھلملانے لگی امید کی لو

انتظار اور انتظار نہیں

کر دے مدھم امید کی شمعیں

بے قراروں کو اب قرار نہیں

اس نے مشق ستم سے کی توبہ

اب یہ رشتہ بھی استوار نہیں

زخم گل سے اداس ہے موسم

ان بہاروں پہ اب بہار نہیں

یاد ان کی فہیمؔ کم آئی

آج کچھ دل بھی سوگوار نہیں

kaun sa dil hai jo shikar nahin

ai sitam gar tira shumar nahin

shauq ko ab bhi etibar nahin

daman-e-shauq tar tar nahin

husn jab husn hai ke war kare

war khali rahe to war nahin

tujh se kya ikhtiyar ki ummid

dil ka jab dil pe ikhtiyar nahin

tujh se mayus kya ho koi saba

dil ke mausam pe ikhtiyar nahin

jhilmilane lagi umid ki lau

intizar aur intizar nahin

kar de maddham umid ki shamen

be qararon ko ab qarar nahin

us ne mashq-e-sitam se ki tauba

ab ye rishta bhi ustuwar nahin

zakhm-e-gul se udas hai mausam

in baharon pe ab bahar nahin

yad un ki fahim kam ai

aj kuchh dil bhi sogwar nahin