جب بھی ہنستے ہوئے انکار کیا ہے اس نے

جب بھی ہنستے ہوئے انکار کیا ہے اس نے

دل پہ اک اور نیا وار کیا ہے اس نے

اس کو نفرت کی نگاہوں سے نہ دیکھے کوئی

عمر بھر خود کو بہت پیار کیا ہے اس نے

چومنا اس کو سلیقے سے ذرا باد صبا

ورق گل کو بھی تلوار کیا ہے اس نے

دھوپ آواز دے تو چھاؤں پکارے اس کو

کتنے عالم کو گرفتار کیا ہے اس نے

کیا کبھی شمع فروزاں سے کسی نے پوچھا

کیسے اک صبح کا دیدار کیا ہے اس نے

jab bhi hanste hue inkar kya hai us ne

dil pe ik aur naya war kya hai us ne

us ko nafrat ki nigahon se na dekhe koi

umr bhar khud ko bahut pyar kya hai us ne

chumna us ko saliqe se zara bad-e-saba

waraq-e-gul ko bhi talwar kya hai us ne

dhup awaz de to chhaon pukare us ko

kitne alam ko giraftar kya hai us ne

kya kabhi shama farozan se kisi ne puchha

kaise ik subh ka didar kya hai us ne