دوستی میں نہ دشمنی میں ہم

دوستی میں نہ دشمنی میں ہم

کیا نظر آئیں گے کسی میں ہم

کیوں سجاتے ہیں خواب صدیوں کے

چند لمحوں کی زندگی میں ہم

سیر کرتے ہیں دونوں عالم کی

اپنے خوابوں کی پالکی میں ہم

جب تمہارا خیال آتا ہے

ڈوب جاتے ہیں روشنی میں ہم

کوئی آواز کیوں نہیں دیتا

ڈگمگاتے ہیں تیرگی میں ہم

پیاس ہم کو کہیں ستاتی ہے

تیرتے ہیں کہیں ندی میں ہم

رات ہوتی تو کوئی بات نہ تھی

لٹ گئے دن کی روشنی میں ہم

اپنے ماضی سے بات کرتے ہیں

تیری یادوں کی چاندنی میں ہم

dosti mein na dushmani mein ham

kya nazar aenge kisi mein ham

kyun sajate hain khwab sadiyon ke

chand lamhon ki zindagi mein ham

sair karte hain donon alam ki

apne khwabon ki palki mein ham

jab tumhara khayal ata hai

dub jate hain raushni mein ham

koi awaz kyun nahin deta

dagmagate hain tirgi mein ham

pyas ham ko kahin satati hai

tairte hain kahin nadi mein ham

rat hoti to koi bat na thi

lut gae din ki raushni mein ham

apne mazi se bat karte hain

teri yadon ki chandni mein ham