اس کی شباہت کسی شمس و قمر میں نہیں

اس کی شباہت کسی شمس و قمر میں نہیں

ایک اسے دیکھ کر کوئی نظر میں نہیں

قاصد زہرہ مقام کہہ اسے میرا سلام

جس کا نشیمن مری راہ گزر میں نہیں

کیا کشش جذب دل تجھ میں کمی ہے کہ وہ

محور سیارگاں تیرے اثر میں نہیں

چشم ستارا شمار کشتہ صدا انتظار

دید کی کوئی نوید نجم سحر میں نہیں

ہم جو دکھاتے نہیں لالہ و گل کی طرح

یہ نہ سمجھنا کوئی داغ جگر میں نہیں

سبز قبائے چمن صرف فریب نظر

آس کی کونپل کسی شاخ شجر میں نہیں

ایک تجھی کو صباؔ کیوں ہے تھکن کا گلا

موجۂ گل اور ہوا کون سفر میں نہیں

us ki shabahat kisi shams-o-qamar mein nahin

ek use dekh kar koi nazar mein nahin

qasid-e-zohra maqam kah use mera salam

jis ka nasheman miri rah guzar mein nahin

kya kashish-e-jazb-e-dil tujh mein kami hai ke wo

mehwar sayyargan tere asar mein nahin

chashm-e-sitara shumar kushta sada intizar

did ki koi nawed-e-najm-e-sahar mein nahin

ham jo dikhate nahin lala-o-gul ki tarah

ye na samajhna koi dagh-e-jigar mein nahin

sabz qaba-e-chaman sirf fareb-e-nazar

as ki konpal kisi shakh-e-shajar mein nahin

ek tujhi ko saba kyun hai thakan ka gila

mauja-e-gul aur hua kaun safar mein nahin