یہ سیل اشک مجھے گفتگو کی تاب تو دے

یہ سیل اشک مجھے گفتگو کی تاب تو دے

جو یہ کہوں کہ وفا کا مری حساب تو دے

بھری بہار رتوں میں بھی خار لے آئی

یہ انتظار کی ٹہنی کبھی گلاب تو دے

نہیں نہیں میں وفا سے کنارہ کش تو نہیں

وہ دے رہا ہے مجھے ہجر کا عذاب تو دے

یہ خامشی تو قیامت کی جان لیوا ہے

وہ دل دکھائے مگر بات کا جواب تو دے

ہر ایک واقعہ تاریخ دار لکھ جاؤں

گئے دنوں کی مرے ہاتھ وہ کتاب تو دے

یہ دیکھ کس گل تر پر نگاہ ٹھہری ہے

نہ دے وہ پھول مجھے داد انتخاب تو دے

گناہ گار سہی پھر بھی میرے حصے کا

تری طرف جو نکلتا ہے وہ ثواب تو دے

ye sail-e-ashk mujhe guftugu ki tab to de

jo ye kahun ke wafa ka miri hisab to de

bhari bahar ruton mein bhi khar le ai

ye intizar ki tahni kabhi gulab to de

nahin nahin main wafa se kinara kash to nahin

wo de raha hai mujhe hijr ka azab to de

ye khamushi to qayamat ki jan lewa hai

wo dil dikhae magar bat ka jawab to de

har ek waqia tarikh dar likh jaun

gae dinon ki mire hath wo kitab to de

ye dekh kis gul-e-tar par nigah thahri hai

na de wo phul mujhe dad intikhab to de

gunah gar sahi phir bhi mere hisse ka

tiri taraf jo nikalta hai wo sawab to de