نہیں جانے ہے وہ حرف ستائش برملا کہنا

نہیں جانے ہے وہ حرف ستائش برملا کہنا

مگر نظروں ہی نظروں میں وہ اس کا واہ وا کہنا

سر محفل کرے رسوا مرا بے ساختہ کہنا

مرے فن کار یہ نازک خیالی واہ کیا کہنا

مرے ناراض شانوں کو تھپک کر بارہا کہنا

چلو چھوڑو گلے شکوے کبھی مانو مرا کہنا

کوئی مصروفیت ہوگی وگرنہ مصلحت ہوگی

نہ اس پیماں فراموشی سے اس کو بے وفا کہنا

وفا تو خیر کیا ہوتی چلو یہ بھی غنیمت ہے

مری بے بستگی کو خود رقیبوں کو برا کہنا

nahin jane hai wo harf-e-sataish barmala kahna

magar nazron hi nazron mein wo us ka wah wa kahna

sar-e-mahfil kare ruswa mira be sakhta kahna

mire fan kar ye nazuk khayali wah kya kahna

mire naraz shanon ko thapak kar barha kahna

chalo chhoro gale shikwe kabhi mano mira kahna

koi masrofet hogi wagarna maslahat hogi

na is paiman faramoshi se us ko be wafa kahna

wafa to khair kya hoti chalo ye bhi ghanimat hai

miri be bastagi ko khud raqibon ko bura kahna