بظاہر رونقوں میں بزم آرائی میں جیتے ہیں

بظاہر رونقوں میں بزم آرائی میں جیتے ہیں

حقیقت ہے کہ ہم تنہا ہیں تنہائی میں جیتے ہیں

سجا کر چار سو رنگیں محل تیرے خیالوں کے

تری یادوں کی رعنائی میں زیبائی میں جیتے ہیں

خوشا ہم امتحان دشت گردی کے نتیجے میں

بصد اعجاز مشق آبلہ پائی میں جیتے ہیں

ستم گاروں نے آئین وفا منسوخ کر ڈالا

مگر کچھ لوگ ابھی امید اجرائی میں جیتے ہیں

bazahir raunaqon mein bazm arai mein jite hain

haqiqat hai ke ham tanha hain tanhai mein jite hain

saja kar char su rangin mahal tere khayalon ke

tiri yadon ki raanai mein zebai mein jite hain

khusha ham imtihan-e-dasht gardi ke natije mein

basad ejaz-e-mashq-e-abla pai mein jite hain

sitam garon ne ain-e-wafa mansukh kar dala

magar kuchh log abhi ummid ijrai mein jite hain