تصورات کی دنیا بسا رہا ہوں میں

تصورات کی دنیا بسا رہا ہوں میں

ترے خیال سے تسکین پا رہا ہوں میں

خیال و وہم سے اونچی بہت ہے تیری ذات

تری صفات کا نقشہ جما رہا ہوں میں

مرا وجود بھی پرتو ہے تیری ہستی کا

دل حزیں میں ترا نور پا رہا ہوں میں

یہ کون ہے کہ معیت کا لطف حاصل ہے

تمام عالم امکاں پہ چھا رہا ہوں میں

ترے کرم کی نہایت نہیں مرے مالک

کہ مشت خاک کو کندن بنا رہا ہوں میں

جلو میں جس کی ہو امن و سکوں کی گل پاشی

وہ انقلاب زمانے میں لا رہا ہوں میں

ترے کلام مقدس سے روشنی لے کر

اندھیری رات میں شمعیں جلا رہا ہوں میں

مری بساط ہی کیا ہے جہاں کے رکھوالے

ترے سہارے پہ ہمت دکھا رہا ہوں میں

tasawwurat ki duniya basa raha hun main

tire khayal se taskin-e-pa raha hun main

khayal-o-wahm se unchi bahut hai teri zat

tiri sifat ka naqsha jama raha hun main

mira wajud bhi partau hai teri hasti ka

dil-e-hazin mein tira nur pa raha hun main

ye kaun hai ke maiyyta ka lutf hasil hai

tamam alam-e-imkan pe chha raha hun main

tire karam ki nihayat nahin mire malik

ke musht-e-khak ko kundan bana raha hun main

jilau mein jis ki ho amn-o-sukun ki gul pashi

wo inqilab zamane mein la raha hun main

tire kalam muqaddas se raushni le kar

andheri rat mein shamen jala raha hun main

miri bisat hi kya hai jahan ke rakhwale

tire sahare pe himmat dikha raha hun main