نہ راہ رو ہیں اکٹھا نہ راہ داں پیدا

نہ راہ رو ہیں اکٹھا نہ راہ داں پیدا

تو کیا زمین سے ہو جائے کارواں پیدا

مشقتوں سے نہ گھبرا نہ زحمتوں سے کبھی

کہ پھول ہوتے ہیں کانٹوں کے درمیاں پیدا

وہ خلق و امر کے مالک ہیں وہ اگر چاہیں

تو اک اشارے سے ہوتے ہیں سو جہاں پیدا

زمیں کو گردش افلاک سے نجات نہیں

“بہ ہر زمیں کہ رسیدیم آسماں پیدا”

تمہیں بہار ہو میرے لئے کہ ہوتا ہے

تمہارے عارض گل گوں سے گلستاں پیدا

بتاؤ کون ہے جس کا جمال جاں پرور

ب ہر مکاں ہے نمودار و ہر زماں پیدا

عروجؔ تو نہ ہو غمگیں ہجوم اعدا سے

اسی ہجوم سے ہوتے ہیں مہرباں پیدا

na rah ro hain ikattha na rah dan paida

to kya zamin se ho jae karwan paida

mashaqqaton se na ghabra na zahmaton se kabhi

ke phul hote hain kanton ke darmiyan paida

wo khalq-o-amar ke malik hain wo agar chahen

to ik ishare se hote hain so jahan paida

zamin ko gardish-e-aflak se najat nahin

"ba har zamin ke rasidyam asman paida"

tumhen bahar ho mere liye ke hota hai

tumhare ariz-e-gul gun se gulsitan paida

batao kaun hai jis ka jamal-e-jan parwar

b har makan hai numudar-o-har zaman paida

uruj to na ho ghamgin hujum-e-aada se

isi hujum se hote hain mehrban paida