میں اپنے آپ کو آواز دے رہا ہوں ابھی

میں اپنے آپ کو آواز دے رہا ہوں ابھی

اک ایک حرف مری تشنگی کا ضامن ہے

اک ایک حرف کو اعجاز دے رہا ہوں ابھی

ہوا کی زد پہ کوئی برگ زرد ہے کب سے

سو اس کے سوز کو اک ساز دے رہا ہوں ابھی

میں در بدر ہوں ابھی اپنی جستجو میں بہت

میں اپنے لہجے کو انداز دے رہا ہوں ابھی

تھما کے ہاتھ میں ان کے فضیلتوں کی سند

میں جاہلوں کو بھی اعزاز دے رہا ہوں ابھی

عجب طلسم ہے عکس نیاز و نقش ہوس

میں ربط شوق کو آغاز دے رہا ہوں ابھی

main apne ap ko awaz de raha hun abhi

ik ek harf miri tishnagi ka zamin hai

ik ek harf ko ejaz de raha hun abhi

hawa ki zad pe koi barg-e-zard hai kab se

so us ke soz ko ik saz de raha hun abhi

main dar badar hun abhi apni justuju mein bahut

main apne lahje ko andaz de raha hun abhi

thama ke hath mein un ke fazilaton ki sanad

main jahilon ko bhi ezaz de raha hun abhi

ajab tilism hai aks-e-niyaz-o-naqsh-e-hawas

main rabt-e-shauq ko aghaz de raha hun abhi