اتنا چپ چاپ تعلق پہ زوال آیا تھا

اتنا چپ چاپ تعلق پہ زوال آیا تھا

دل ہی رویا تھا نہ چہرے پہ ملال آیا تھا

صبح دم مجھ کو نہ پہچان سکا آئینہ

میں شب غم کی مسافت سے نڈھال آیا تھا

پھر ٹپکتی رہی سینے پہ یہ شبنم کیسی

یاد آئی نہ کبھی تیرا خیال آیا تھا

کہکشاں میرے دریچوں میں اتر آئی تھی

میرے ساغر میں ترا عکس جمال آیا تھا

اب نہ وہ ذوق وفا ہے نہ مزاج غم ہے

ہو بہو گرچہ کوئی تیری مثال آیا تھا

itna chup chap taalluq pe zawal aya tha

dil hi roya tha na chehre pe malal aya tha

subh dam mujh ko na pahchan saka aina

main shab-e-gham ki masafat se nidhal aya tha

phir tapakti rahi sine pe ye shabnam kaisi

yad ai na kabhi tera khayal aya tha

kahkashan mere darichon mein utar ai thi

mere saghar mein tira aks-e-jamal aya tha

ab na wo zauq-e-wafa hai na mizaj-e-gham hai

ho bahu garche koi teri misal aya tha