واہ کیا دھوم سے عاشق کا جنازہ نکلا

واہ کیا دھوم سے عاشق کا جنازہ نکلا

سب کو دھوکا ہوا سمجھے کہ یہ دولہا نکلا

غیر سمجھے تھے جسے اپنا شناسا نکلا

غور کرنے سے وہ مہمان ہمارا نکلا

یار و اغیار نے میت کو دیا تھا کاندھا

تیرے عاشق کا عجب شان سے لاشہ نکلا

یوں تو لاکھوں ہیں ترے چاہنے والے خواجہ

جاں نثاروں میں ترے میں ہی اکیلا نکلا

ساقیا مست ہوا آیا جو مجلس میں تری

اک ترا میں ہی نہیں والہ و شیدا نکلا

رخ انور سے ہٹا جب کہ نقاب گیسو

کوئی مضطر کوئی مجنوں کوئی کشتہ نکلا

ہوا گھائل تری نظروں کا پڑی جس پہ نظر

تری محفل سے قمرؔ بھی تو تڑپتا نکلا

wah kya dhum se ashiq ka janaza nikla

sab ko dhoka hua samjhe ke ye dolaha nikla

ghair samjhe the jise apna shanasa nikla

ghaur karne se wo mehman hamara nikla

yar-o-aghyar ne mayyat ko diya tha kandha

tere ashiq ka ajab shan se lasha nikla

yun to lakhon hain tire chahne wale khwaja

jan nisaron mein tire mein hi akela nikla

saqiya mast hua aya jo majlis mein tiri

ik tira mein hi nahin walahu-o-shaida nikla

rukh-e-anwar se hata jab ke naqab-e-gesu

koi muztar koi majnun koi kushta nikla

hawa ghayal tiri nazron ka pari jis pe nazar

tiri mahfil se qamar bhi to tarapta nikla