Arooz is now on the App Store, for iPhone and iPad. Download →

All poetry

عبارت سے ورق عاری رہے گا

Lutf-ur-rahman (b. 1941)

عبارت سے ورق عاری رہے گا

مگر لکھنا مرا جاری رہے گا

ازل کی صبح سے شام ابد تک

نشہ مجھ پہ تو یہ طاری رہے گا

خدائی ہے تو ہے کوئی خدا بھی

نہ ہو شاعر تو کب قاری رہے گا

جو ناز کج کلاہی سے ہے غافل

وہی فن کار درباری رہے گا

محبت کرنے والوں کا جہاں سے

عجب اک رشتۂ خواری رہے گا

بندھی ہے جس کے سر دستار شاہی

وہ صوفی جنس بازاری رہے گا