کئی بار اس کا دامن بھر دیا حسن دو عالم سے

کئی بار اس کا دامن بھر دیا حسن دو عالم سے

مگر دل ہے کہ اس کی خانہ ویرانی نہیں جاتی

کئی بار اس کی خاطر ذرے ذرے کا جگر چیرا

مگر یہ چشم حیراں جس کی حیرانی نہیں جاتی

نہیں جاتی متاع لعل و گوہر کی گراں یابی

متاع غیرت و ایماں کی ارزانی نہیں جاتی

مری چشم تن آساں کو بصیرت مل گئی جب سے

بہت جانی ہوئی صورت بھی پہچانی نہیں جاتی

سر خسرو سے ناز کج کلاہی چھن بھی جاتا ہے

کلاہ خسروی سے بوئے سلطانی نہیں جاتی

بجز دیوانگی واں اور چارہ ہی کہو کیا ہے

جہاں عقل و خرد کی ایک بھی مانی نہیں جاتی

kai bar us ka daman bhar diya husn do alam se

magar dil hai ke us ki khana wirani nahin jati

kai bar us ki khatir zarre zarre ka jigar chira

magar ye chashm-e-hairan jis ki hairani nahin jati

nahin jati mata-e-laal-o-gauhar ki giran yabi

mata-e-ghairat-o-iman ki arzani nahin jati

miri chashm-e-tan asan ko basirat mil gai jab se

bahut jani hui surat bhi pahchani nahin jati

sar-e-khusrau se naz-e-kaj kulahi chhin bhi jata hai

kulah-e-khusrawi se bu-e-sultani nahin jati

bajuz diwangi wan aur chara hi kaho kya hai

jahan aql-o-khirad ki ek bhi mani nahin jati