گو سب کو بہم ساغر و بادہ تو نہیں تھا

گو سب کو بہم ساغر و بادہ تو نہیں تھا

یہ شہر اداس اتنا زیادہ تو نہیں تھا

گلیوں میں پھرا کرتے تھے دو چار دوانے

ہر شخص کا صد چاک لبادہ تو نہیں تھا

منزل کو نہ پہچانے رہ عشق کا راہی

ناداں ہی سہی ایسا بھی سادہ تو نہیں تھا

تھک کر یوں ہی پل بھر کے لیے آنکھ لگی تھی

سو کر ہی نہ اٹھیں یہ ارادہ تو نہیں تھا

واعظ سے رہ و رسم رہی رند سے صحبت

فرق ان میں کوئی اتنا زیادہ تو نہیں تھا

go sab ko baham saghar-o-bada to nahin tha

ye shahr udas itna ziyada to nahin tha

galiyon mein phira karte the do char diwane

har shakhs ka sad chak labada to nahin tha

manzil ko na pahchane rah ishq ka rahi

nadan hi sahi aisa bhi sada to nahin tha

thak kar yun hi pal bhar ke liye ankh lagi thi

so kar hi na uthen ye irada to nahin tha

waiz se rah-o-rasm rahi rind se sohbat

farq un mein koi itna ziyada to nahin tha