یہ کس خلش نے پھر اس دل میں آشیانہ کیا

یہ کس خلش نے پھر اس دل میں آشیانہ کیا

پھر آج کس نے سخن ہم سے غائبانہ کیا

غم جہاں ہو رخ یار ہو کہ دست عدو

سلوک جس سے کیا ہم نے عاشقانہ کیا

تھے خاک راہ بھی ہم لوگ قہر طوفاں بھی

سہا تو کیا نہ سہا اور کیا تو کیا نہ کیا

خوشا کہ آج ہر اک مدعی کے لب پر ہے

وہ راز جس نے ہمیں راندۂ زمانہ کیا

وہ حیلہ گر جو وفا جو بھی ہے جفاخو بھی

کیا بھی فیضؔ تو کس بت سے دوستانہ کیا

ye kis khalish ne phir is dil mein ashiyana kiya

phir aj kis ne sukhan ham se ghaibana kiya

gham jahan ho rukh-e-yar ho ke dast-e-adu

suluk jis se kiya ham ne ashiqana kiya

the khak-e-rah bhi ham log qahr tufan bhi

saha to kya na saha aur kya to kiya na kiya

khusha ke aj har ik muddai ke lab par hai

wo raz jis ne hamen randa-e-zamana kiya

wo hila gar jo wafa jo bhi hai jafakhu bhi

kiya bhi faiz to kis but se dostana kiya