یہ جفائے غم کا چارہ وہ نجات دل کا عالم

یہ جفائے غم کا چارہ وہ نجات دل کا عالم

ترا حسن دست عیسیٰ تری یاد روئے مریم

دل و جاں فدائے راہے کبھی آ کے دیکھ ہمدم

سر کوئے دل فگاراں شب آرزو کا عالم

تری دید سے سوا ہے ترے شوق میں بہاراں

وہ چمن جہاں گری ہے ترے گیسوؤں کی شبنم

یہ عجب قیامتیں ہیں ترے رہ گزر میں گزراں

نہ ہوا کہ مر مٹیں ہم نہ ہوا کہ جی اٹھیں ہم

لو سنی گئی ہماری یوں پھرے ہیں دن کہ پھر سے

وہی گوشۂ قفس ہے وہی فصل گل کا ماتم

ye jafa-e-gham ka chara wo najat dil ka alam

tira husn dast-e-isa tiri yad-e-ru-e-maryam

dil-o-jan fida-e-rahe kabhi a ke dekh hamdam

sar-e-ku-e-dil figaran shab-e-arzu ka alam

tiri did se siwa hai tire shauq mein baharan

wo chaman jahan giri hai tire gesuon ki shabnam

ye ajab qayamaten hain tire rah guzar mein guzran

na hua ke mar miten ham na hua ke ji uthen ham

lo suni gai hamari yun phire hain din ke phir se

wahi gosha-e-qafas hai wahi fasl-e-gul ka matam