قرض نگاہ یار ادا کر چکے ہیں ہم

قرض نگاہ یار ادا کر چکے ہیں ہم

سب کچھ نثار راہ وفا کر چکے ہیں ہم

کچھ امتحان دست جفا کر چکے ہیں ہم

کچھ ان کی دسترس کا پتا کر چکے ہیں ہم

اب احتیاط کی کوئی صورت نہیں رہی

قاتل سے رسم و راہ سوا کر چکے ہیں ہم

دیکھیں ہے کون کون ضرورت نہیں رہی

کوئے ستم میں سب کو خفا کر چکے ہیں ہم

اب اپنا اختیار ہے چاہے جہاں چلیں

رہبر سے اپنی راہ جدا کر چکے ہیں ہم

ان کی نظر میں کیا کریں پھیکا ہے اب بھی رنگ

جتنا لہو تھا صرف قبا کر چکے ہیں ہم

کچھ اپنے دل کی خو کا بھی شکرانہ چاہیے

سو بار ان کی خو کا گلا کر چکے ہیں ہم

qarz-e-nigah-e-yar ada kar chuke hain ham

sab kuchh nisar rah-e-wafa kar chuke hain ham

kuchh imtihan-e-dast-e-jafa kar chuke hain ham

kuchh un ki dastaras ka pata kar chuke hain ham

ab ehtiyat ki koi surat nahin rahi

qatil se rasm-o-rah siwa kar chuke hain ham

dekhen hai kaun kaun zarurat nahin rahi

ku-e-sitam mein sab ko khafa kar chuke hain ham

ab apna ikhtiyar hai chahe jahan chalen

rahbar se apni rah juda kar chuke hain ham

un ki nazar mein kya karen phika hai ab bhi rang

jitna lahu tha sirf-e-qaba kar chuke hain ham

kuchh apne dil ki khu ka bhi shukrana chahiye

sau bar un ki khu ka gila kar chuke hain ham