شیخ صاحب سے رسم و راہ نہ کی

شیخ صاحب سے رسم و راہ نہ کی

شکر ہے زندگی تباہ نہ کی

تجھ کو دیکھا تو سیر چشم ہوئے

تجھ کو چاہا تو اور چاہ نہ کی

تیرے دست ستم کا عجز نہیں

دل ہی کافر تھا جس نے آہ نہ کی

تھے شب ہجر کام اور بہت

ہم نے فکر دل تباہ نہ کی

کون قاتل بچا ہے شہر میں فیضؔ

جس سے یاروں نے رسم و راہ نہ کی

shaikh sahab se rasm-o-rah na ki

shukr hai zindagi tabah na ki

tujh ko dekha to sair-e-chashm hue

tujh ko chaha to aur chah na ki

tere dast-e-sitam ka ijz nahin

dil hi kafir tha jis ne ah na ki

the shab-e-hijr kam aur bahut

ham ne fikr-e-dil-e-tabah na ki

kaun qatil bacha hai shahr mein faiz

jis se yaron ne rasm-o-rah na ki