نہ اب رقیب نہ ناصح نہ غم گسار کوئی

نہ اب رقیب نہ ناصح نہ غم گسار کوئی

تم آشنا تھے تو تھیں آشنائیاں کیا کیا

جدا تھے ہم تو میسر تھیں قربتیں کتنی

بہم ہوئے تو پڑی ہیں جدائیاں کیا کیا

پہنچ کے در پہ ترے کتنے معتبر ٹھہرے

اگرچہ رہ میں ہوئیں جگ ہنسائیاں کیا کیا

ہم ایسے سادہ دلوں کی نیاز مندی سے

بتوں نے کی ہیں جہاں میں خدائیاں کیا کیا

ستم پہ خوش کبھی لطف و کرم سے رنجیدہ

سکھائیں تم نے ہمیں کج ادائیاں کیا کیا

na ab raqib na naseh na gham gusar koi

tum ashna the to thin ashnaiyan kya kiya

juda the ham to muyassar thin qurbaten kitni

baham hue to pari hain judaiyan kya kiya

pahunch ke dar pe tire kitne motabar thahre

agarche rah mein huin jag hansaiyan kya kya

ham aise sada dilon ki niyaz mandi se

buton ne ki hain jahan mein khudaiyan kya kiya

sitam pe khush kabhi lutf-o-karam se ranjida

sikhaen tum ne hamen kaj adaiyan kya kiya