وہ بتوں نے ڈالے ہیں وسوسے کہ دلوں سے خوف خدا گیا

وہ بتوں نے ڈالے ہیں وسوسے کہ دلوں سے خوف خدا گیا

وہ پڑی ہیں روز قیامتیں کہ خیال روز جزا گیا

جو نفس تھا خار گلو بنا جو اٹھے تھے ہاتھ لہو ہوئے

وہ نشاط آہ سحر گئی وہ وقار دست دعا گیا

نہ وہ رنگ فصل بہار کا نہ روش وہ ابر بہار کی

جس ادا سے یار تھے آشنا وہ مزاج باد صبا گیا

جو طلب پہ عہد وفا کیا تو وہ آبروئے وفا گئی

سر عام جب ہوئے مدعی تو ثواب صدق و صفا گیا

ابھی بادبان کو تہ رکھو ابھی مضطرب ہے رخ ہوا

کسی راستے میں ہے منتظر وہ سکوں جو آ کے چلا گیا

wo buton ne dale hain waswase ke dilon se khauf-e-khuda gaya

wo pari hain roz qayamaten ke khayal roz-e-jaza gaya

jo nafas tha khar galo bana jo uthe the hath lahu hue

wo nishat ah-e-sahar gai wo waqar-e-dast-e-dua gaya

na wo rang-e-fasl-e-bahar ka na rawish wo abr-e-bahar ki

jis ada se yar the ashna wo mizaj bad-e-saba gaya

jo talab pe ahd-e-wafa kiya to wo abru-e-wafa gai

sar-e-am jab hue muddai to sawab-e-sidq-o-safa gaya

abhi badban ko tah rakho abhi muztarib hai rukh hua

kisi raste mein hai muntazir wo sukun jo a ke chala gaya