ہم نے سب شعر میں سنوارے تھے

ہم نے سب شعر میں سنوارے تھے

ہم سے جتنے سخن تمہارے تھے

رنگ و خوشبو کے حسن و خوبی کے

تم سے تھے جتنے استعارے تھے

تیرے قول و قرار سے پہلے

اپنے کچھ اور بھی سہارے تھے

جب وہ لعل و گہر حساب کیے

جو ترے غم نے دل پہ وارے تھے

میرے دامن میں آ گرے سارے

جتنے طشت فلک میں تارے تھے

عمر جاوید کی دعا کرتے

فیضؔ اتنے وہ کب ہمارے تھے

ham ne sab sher mein sanware the

ham se jitne sukhan tumhare the

rang-o-khushbu ke husn-o-khubi ke

tum se the jitne istiare the

tere qaul-o-qarar se pahle

apne kuchh aur bhi sahare the

jab wo laal-o-guhar hisab kiye

jo tire gham ne dil pe ware the

mere daman mein a gire sare

jitne tasht-e-falak mein tare the

umr jawed ki dua karte

faiz itne wo kab hamare the