نہ گنواؤ ناوک نیم کش دل ریزہ ریزہ گنوا دیا

نہ گنواؤ ناوک نیم کش دل ریزہ ریزہ گنوا دیا

جو بچے ہیں سنگ سمیٹ لو تن داغ داغ لٹا دیا

مرے چارہ گر کو نوید ہو صف دشمناں کو خبر کرو

جو وہ قرض رکھتے تھے جان پر وہ حساب آج چکا دیا

کرو کج جبیں پہ سر کفن مرے قاتلوں کو گماں نہ ہو

کہ غرور عشق کا بانکپن پس مرگ ہم نے بھلا دیا

ادھر ایک حرف کہ کشتنی یہاں لاکھ عذر تھا گفتنی

جو کہا تو سن کے اڑا دیا جو لکھا تو پڑھ کے مٹا دیا

جو رکے تو کوہ گراں تھے ہم جو چلے تو جاں سے گزر گئے

رہ یار ہم نے قدم قدم تجھے یادگار بنا دیا

na ganwao nawak nim kash-e-dil reza reza ganwa diya

jo bachche hain sang samet lo tan-e-dagh dagh luta diya

mire chara gar ko nawed ho saf-e-dushmanan ko khabar karo

jo wo qarz rakhte the jan par wo hisab aj chuka diya

karo kaj jabin pe sar-e-kafan mire qatilon ko guman na ho

ke ghurur-e-ishq ka bankpan pas-e-marg ham ne bhula diya

idhar ek harf ke kushtani yahan lakh uzr tha guftni

jo kaha to sun ke ura diya jo likha to parh ke mita diya

jo ruke to koh-e-giran the ham jo chale to jan se guzar gae

rah-e-yar ham ne qadam qadam tujhe yadgar bana diya