دل میں اب یوں ترے بھولے ہوئے غم آتے ہیں

دل میں اب یوں ترے بھولے ہوئے غم آتے ہیں

جیسے بچھڑے ہوئے کعبہ میں صنم آتے ہیں

ایک اک کر کے ہوئے جاتے ہیں تارے روشن

میری منزل کی طرف تیرے قدم آتے ہیں

رقص مے تیز کرو ساز کی لے تیز کرو

سوئے مے خانہ سفیران حرم آتے ہیں

کچھ ہمیں کو نہیں احسان اٹھانے کا دماغ

وہ تو جب آتے ہیں مائل بہ کرم آتے ہیں

اور کچھ دیر نہ گزرے شب فرقت سے کہو

دل بھی کم دکھتا ہے وہ یاد بھی کم آتے ہیں

dil mein ab yun tire bhule hue gham ate hain

jaise bichhre hue kaaba mein sanam ate hain

ek ik kar ke hue jate hain tare raushan

meri manzil ki taraf tere qadam ate hain

raqs-e-mai tez karo saz ki le tez karo

su-e-mai khana safiran-e-haram ate hain

kuchh hamen ko nahin ehsan uthane ka dimagh

wo to jab ate hain mail ba karam ate hain

aur kuchh der na guzre shab-e-furqat se kaho

dil bhi kam dikhta hai wo yad bhi kam ate hain