کب ٹھہرے گا درد اے دل کب رات بسر ہوگی

کب ٹھہرے گا درد اے دل کب رات بسر ہوگی

سنتے تھے وہ آئیں گے سنتے تھے سحر ہوگی

کب جان لہو ہوگی کب اشک گہر ہوگا

کس دن تری شنوائی اے دیدۂ تر ہوگی

کب مہکے گی فصل گل کب بہکے گا مے خانہ

کب صبح سخن ہوگی کب شام نظر ہوگی

واعظ ہے نہ زاہد ہے ناصح ہے نہ قاتل ہے

اب شہر میں یاروں کی کس طرح بسر ہوگی

کب تک ابھی رہ دیکھیں اے قامت جانانہ

کب حشر معین ہے تجھ کو تو خبر ہوگی

kab thahrega dard ai dil kab rat basar hogi

sunte the wo aenge sunte the sahar hogi

kab jan lahu hogi kab ashk-e-guhar hoga

kis din tiri shanwai ai dida-e-tar hogi

kab mahkegi fasl-e-gul kab bahkega mai khana

kab subh-e-sukhan hogi kab sham-e-nazar hogi

waiz hai na zahid hai naseh hai na qatil hai

ab shahr mein yaron ki kis tarah basar hogi

kab tak abhi rah dekhen ai qamat-e-janana

kab hashr muin hai tujh ko to khabar hogi