''آپ کی یاد آتی رہی رات بھر''

''آپ کی یاد آتی رہی رات بھر''

چاندنی دل دکھاتی رہی رات بھر

گاہ جلتی ہوئی گاہ بجھتی ہوئی

شمع غم جھلملاتی رہی رات بھر

کوئی خوشبو بدلتی رہی پیرہن

کوئی تصویر گاتی رہی رات بھر

پھر صبا سایۂ شاخ گل کے تلے

کوئی قصہ سناتی رہی رات بھر

جو نہ آیا اسے کوئی زنجیر در

ہر صدا پر بلاتی رہی رات بھر

ایک امید سے دل بہلتا رہا

اک تمنا ستاتی رہی رات بھر

''ap ki yad ati rahi rat bhar''

chandni dil dikhati rahi rat bhar

gah jalti hui gah bujhti hui

shama gham jhilmilati rahi rat bhar

koi khushbu badalti rahi pairahan

koi taswir gati rahi rat bhar

phir saba saya-e-shakh-e-gul ke tale

koi qissa sunati rahi rat bhar

jo na aya use koi zanjir-e-dar

har sada par bulati rahi rat bhar

ek ummid se dil bahalta raha

ik tamanna satati rahi rat bhar