مجھ میں بہتی ہے پاگل ہوا کون سی

مجھ میں بہتی ہے پاگل ہوا کون سی

کون سی ہے یہ باد صبا کون سی

تجھ کو سمجھا تھا میں منزل جستجو

یہ بلاتی ہے مجھ کو صدا کون سی

دل بڑی بے نیازی سے اٹھ کر چلا

ہے ترے غم کی یہ انتہا کون سی

میں کہ لوٹی ہوئی اپنی آواز ہوں

اب بکھرتی ہے مجھ میں صدا کون سی

دیکھ کر تجھ کو بجھتے دئے جل اٹھے

دل کے بجھنے کی ہے یہ ادا کون سی

ایک اک رخ سے ظاہر ہے اب بے رخی

اس میں ہے صرف تیری خطا کون سی

اپنی آواز پر آ رہا ہے یقیں

کام آئی یہ میرے دعا کون سی

مجھ کو ہر اک نظر میں تماشا کیا

جرم کیا تھا مرا دی سزا کون سی

mujh mein bahti hai pagal hua kaun si

kaun si hai ye bad-e-saba kaun si

tujh ko samjha tha main manzil-e-justuju

ye bulati hai mujh ko sada kaun si

dil bari be niyazi se uth kar chala

hai tire gham ki ye intiha kaun si

main ke lauti hui apni awaz hun

ab bikharti hai mujh mein sada kaun si

dekh kar tujh ko bujhte diye jal uthe

dil ke bujhne ki hai ye ada kaun si

ek ik rukh se zahir hai ab be rukhi

is mein hai sirf teri khata kaun si

apni awaz par a raha hai yaqin

kam ai ye mere dua kaun si

mujh ko har ik nazar mein tamasha kiya

jurm kya tha mira di saza kaun si