تھی نئی کافر ادا کی شان ہنستے بولتے

تھی نئی کافر ادا کی شان ہنستے بولتے

عاشقوں نے دے دیا ایمان ہنستے بولتے

وصل کے ہونے لگے سامان ہنستے بولتے

مشکلیں اپنی ہوئیں آسان ہنستے بولتے

غیر کی جانب ہے چہرہ ہاتھ ہیں میری طرف

دے رہے ہیں کس ادا سے پان ہنستے بولتے

جانکنی میں موت کے کیا کیا مزے لیتے رہے

عاشقوں نے دی خدا کو جان ہنستے بولتے

خندہ آمیزی مرے زخم جگر کی دیکھنا

آ رہے ہیں یار کے پیکان ہنستے بولتے

سینکڑوں دلبر ہزاروں جان کے گاہک بنے

عاشقوں کی چل گئی دوکان ہنستے بولتے

محفل جاناں میں اس نے آپ ہی پہنچا دیا

یار اپنا ہو گیا دربان ہنستے بولتے

ہم پیالہ وہ ہوئے کیفیؔ دم بادہ کشی

ہو گئے پورے مرے ارمان ہنستے بولتے

thi nai kafir ada ki shan hanste bolte

ashiqon ne de diya iman hanste bolte

wasl ke hone lage saman hanste bolte

mushkilen apni huin asan hanste bolte

ghair ki janib hai chehra hath hain meri taraf

de rahe hain kis ada se pan hanste bolte

jankini mein maut ke kya kya maze lete rahe

ashiqon ne di khuda ko jan hanste bolte

khanda amezi mire zakhm-e-jigar ki dekhna

a rahe hain yar ke paikan hanste bolte

sainkron dilbar hazaron jan ke gahak bane

ashiqon ki chal gai dukan hanste bolte

mahfil janan mein us ne ap hi pahuncha diya

yar apna ho gaya darban hanste bolte

ham pyala wo hue kaifi-e-dam bada kashi

ho gae pure mire arman hanste bolte