ٹوٹ کر عالم اجزا میں بکھرتے ہی رہے

ٹوٹ کر عالم اجزا میں بکھرتے ہی رہے

نقش تعمیر جہاں بن کے بگڑتے ہی رہے

اپنے ہی وہم و تذبذب تھے خرابی کا سبب

گھر عقیدوں کے بسائے تو اجڑتے ہی رہے

جانے کیا بات ہوئی موسم گل میں اب کے

پنکھ پنچھی کے فضاؤں میں بکھرتے ہی رہے

چند یادوں کی پناہ گاہ میں جانے کیوں ہم

سایۂ شام کی مانند سمٹتے ہی رہے

ہم نے ہر رنگ سے چہرے کو سجایا لیکن

اپنی پہچان کے آثار بگڑتے ہی رہے

tut kar alam-e-ajza mein bikharte hi rahe

naqsh-e-taamir jahan ban ke bigarte hi rahe

apne hi wahm-o-tazabzub the kharabi ka sabab

ghar aqidon ke basae to ujarte hi rahe

jane kya bat hui mausam-e-gul mein ab ke

pankh panchhi ke fazaon mein bikharte hi rahe

chand yadon ki panah gah mein jane kyun ham

saya-e-sham ki manind simatte hi rahe

ham ne har rang se chehre ko sajaya lekin

apni pahchan ke asar bigarte hi rahe