اپنی حد سے گزر نہیں سکتے

اپنی حد سے گزر نہیں سکتے

بد تمیزی تو کر نہیں سکتے

مجھ پہ تہمت لگانے والے سن

تیرے جیسے سدھر نہیں سکتے

بوجھ لگتے ہیں میرے کاندھوں پر

کیا فرشتے اتر نہیں سکتے

آپ جیسوں پہ رحم آتا ہے

آپ جیسوں سے ڈر نہیں سکتے

اپنی ضد میں انا بھی لازم ہے

ٹوٹ جائیں بکھر نہیں سکتے

کچھ حیا بھی لگائیے منہ پر

اس طرح تو سنور نہیں سکتے

تم مری شاعری میں زندہ ہو

مر بھی جاؤ تو مر نہیں سکتے

apni had se guzar nahin sakte

bad tamizi to kar nahin sakte

mujh pe tohmat lagane wale sun

tere jaise sudhar nahin sakte

bojh lagte hain mere kandhon par

kya farishte utar nahin sakte

ap jaison pe rahm ata hai

ap jaison se dar nahin sakte

apni zid mein ana bhi lazim hai

tut jaen bikhar nahin sakte

kuchh haya bhi lagaiye munh par

is tarah to sanwar nahin sakte

tum miri shayari mein zinda ho

mar bhi jao to mar nahin sakte