یوں تو ہمارے شہر میں قانون بھی نہیں

یوں تو ہمارے شہر میں قانون بھی نہیں

قانون کا سرے سے مگر خون بھی نہیں

معیار شعر میرا نہ تم جانچ پاؤ گے

اقدار اگر نہیں ہے تو شب خون بھی نہیں

یوں تو کوئی شریف بلاتا نہیں مجھے

لیکن میں سارے شہر میں مطعون بھی نہیں

میں جس کا بوجھ سر پہ لیے پھر رہا ہوں آج

سنتا ہوں یہ کہ وہ مرا ممنون بھی نہیں

کیوں ہنس رہے ہیں آپ مرا گھر ہے لاپتہ

اس نقشے میں تو آپ کا رنگون بھی نہیں

جانے کہاں گیا ہے وہ میرا شریک غم

خط بھی نہیں ہے کوئی کوئی فون بھی نہیں

کیوں مجھ سے عسکری کی طرح ملتے ہو نظرؔ

میں تو تمہارا بھائی ہمایون بھی نہیں

yun to hamare shahr mein qanun bhi nahin

qanun ka sire se magar khun bhi nahin

meyar sher mera na tum janch paoge

aqdar agar nahin hai to shab khun bhi nahin

yun to koi sharif bulata nahin mujhe

lekin main sare shahr mein matun bhi nahin

main jis ka bojh sar pe liye phir raha hun aj

sunta hun ye ke wo mira mamnun bhi nahin

kyun hans rahe hain ap mira ghar hai lapata

is naqshe mein to ap ka rangon bhi nahin

jane kahan gaya hai wo mera sharik-e-gham

khat bhi nahin hai koi koi fon bhi nahin

kyun mujh se askari ki tarah milte ho nazar

main to tumhara bhai hamayon bhi nahin