میری آواز سے آواز ملانے والے

میری آواز سے آواز ملانے والے

ہیں کہاں شہر میں طوفان اٹھانے والے

پھر ستاروں کی چمک ماند پڑی جاتی ہے

پھر برہنہ ہوں کھڑا زخم لگانے والے

زرد شہروں میں پرندوں نے پناہیں ڈھونڈیں

سبز جنگل میں نیا جال بچھانے والے

روندتا ہے مجھے کیوں نقش قدم کی صورت

میری پہچان ہے کیا مجھ کو مٹانے والے

آپ کو مجھ سے محبت ہو الٰہی توبہ

اپنے احباب تو ہیں بات بنانے والے

اور کچھ روز یہاں ٹھہریں گے بدنام نظرؔ

پھر کہاں پاؤ گے اشعار سنانے والے

meri awaz se awaz milane wale

hain kahan shahr mein tufan uthane wale

phir sitaron ki chamak mand pari jati hai

phir barahna hun khara zakhm lagane wale

zard shahron mein parindon ne panahain dhunden

sabz jangal mein naya jal bichhane wale

rondata hai mujhe kyun naqsh-e-qadam ki surat

meri pahchan hai kya mujh ko mitane wale

ap ko mujh se mohabbat ho ilahi tauba

apne ahbab to hain bat banane wale

aur kuchh roz yahan thahrenge badnam nazar

phir kahan paoge ashar sunane wale