ہر ایک چہرہ یہاں درد کی کتاب لگے

ہر ایک چہرہ یہاں درد کی کتاب لگے

تمہارا شہر تو اک شہر اضطراب لگے

یہ کور چشمی ہے یا جلتے سورجوں کا اثر

کوئی بھی شکل نہ اب بنت ماہتاب لگے

نہ جانے کیوں مرا لہجہ ہے سخت سخت اتنا

کہ التماس کا انداز بھی عتاب لگے

یہ بانجھ بانجھ سے بادل یہ ریت ریت زمیں

ببول کی یہ جگہ ہے کہاں گلاب لگے

ہر ایک سمت دھواں سا ہے ناامیدی کا

ہر ایک منزل امید اب سراب لگے

یہ کس مقام پہ لے آئی آگہی مجھ کو

نہ سنگ سنگ لگے اور نہ آب آب لگے

نہ وہ ہی وہ ہے نہ میں میں نہ تم ہی تم بدنام

سبھی کے چہرے پہ ہیں سیکڑوں نقاب لگے

har ek chehra yahan dard ki kitab lage

tumhara shahr to ik shahr iztirab lage

ye kor chashmi hai ya jalte surajon ka asar

koi bhi shakl na ab bint-e-mahtab lage

na jane kyun mira lahja hai sakht sakht itna

ke iltimas ka andaz bhi itab lage

ye banjh banjh se badal ye ret ret zamin

babul ki ye jagah hai kahan gulab lage

har ek samt dhuan sa hai naummidi ka

har ek manzil ummid ab sarab lage

ye kis maqam pe le ai agahi mujh ko

na sang sang lage aur na ab ab lage

na wo hi wo hai na main main na tum hi tum badnam

sabhi ke chehre pe hain saikron naqab lage