جب خواہش دنیا سے کوئی کام نہیں ہے

جب خواہش دنیا سے کوئی کام نہیں ہے

کیوں پھر دل شوریدہ کو آرام نہیں ہے

شامل یہاں اثبات میں پہلوئے نفی ہے

کامل کسی آغاز کا انجام نہیں ہے

وہ دھوپ ہے آنکھوں میں کہ جل جاتی ہے ہر شام

منظر ہے دھواں کوئی لب بام نہیں ہے

کیا طرز رفاقت ہے کہ ملتے ہیں بصد شوق

پر ذکر شناسائی و پیغام نہیں ہے

تنگ ظرفیٔ ہیت جسے کہتے ہیں غزل کی

آفاق معانی ہے وہ ابہام نہیں ہے

jab khwahish-e-duniya se koi kam nahin hai

kyun phir dil-e-shorida ko aram nahin hai

shamil yahan isbat mein pahlu-e-nafi hai

kamil kisi aghaz ka anjam nahin hai

wo dhup hai ankhon mein ke jal jati hai har sham

manzar hai dhuan koi lab-e-bam nahin hai

kya tarz-e-rifaqat hai ke milte hain basad shauq

par zikr shanasai-o-paigham nahin hai

tang zarfi-e-het jise kahte hain ghazal ki

afaq maani hai wo ibham nahin hai