یہ سنگ و خشت کی بارش یہ زندگی کا بدن

یہ سنگ و خشت کی بارش یہ زندگی کا بدن

لہو لہو نظر آتا ہے آدمی کا بدن

کہو اندھیروں سے زلفیں بکھیر دیں اپنی

تھکا تھکا ہوا لگتا ہے روشنی کا بدن

وہ زخم ہیں کہ جو دیکھو تو آنکھ بجھ جائے

بہت حسین ہے یوں تو مری ہنسی کا بدن

یہ کس کا لمس ملا ہے زمین گلشن کو

تمہارے جسم کی صورت ہے ہر کلی کا بدن

دہکتے جسم پہ ہلکے سے نائلن کا لباس

ہو جیسے جھیل کے پانی میں چاندنی کا بدن

خطا معاف مگر اہل دل نے بھی اکثر

جنوں کے نام پہ نوچا ہے عاشقی کا بدن

ye sang-o-khisht ki barish ye zindagi ka badan

lahu lahu nazar ata hai admi ka badan

kaho andheron se zulfen bikher den apni

thaka thaka hua lagta hai raushni ka badan

wo zakhm hain ke jo dekho to ankh bujh jae

bahut hasin hai yun to miri hansi ka badan

ye kis ka lams mila hai zamin-e-gulshan ko

tumhare jism ki surat hai har kali ka badan

dahakte jism pe halke se nailan ka libas

ho jaise jhil ke pani mein chandni ka badan

khata muaf magar ahl-e-dil ne bhi aksar

junun ke nam pe nocha hai ashiqi ka badan