کیا ہوا جو دشمنوں کے درمیاں خنجر چلے

کیا ہوا جو دشمنوں کے درمیاں خنجر چلے

دوستوں میں بھی تو اکثر طنز کے پتھر چلے

لو فرشتوں کے پروں کی خوشبوئیں لہرا گئیں

دن ڈھلا اسکول سے بچے اب اپنے گھر چلے

سائباں در سائباں تھا چیختی روحوں کا شور

ایک گھر گھبرا کے گھر سے میرے بام و در چلے

بند کمرہ نیلی بتی اور مرا تنہا وجود

رات بھر دیوار پر رنگین سے منظر چلے

پھر سڑک پر بن رہے ہیں کتنے شیشے کے مکاں

دیکھیے پھر جھونپڑوں سے کب کوئی پتھر چلے

میکدے قانون کے بستر پہ جا کے سو چکے

رات آدھی جا چکی اب ہم بھی اپنے گھر چلے

kya hua jo dushmanon ke darmiyan khanjar chale

doston mein bhi to aksar tanz ke patthar chale

lo farishton ke paron ki khushbuen lahra gain

din dhala iskul se bachche ab apne ghar chale

saiban dar saiban tha chikhti ruhon ka shor

ek ghar ghabra ke ghar se mere bam-o-dar chale

band kamra nili batti aur mira tanha wajud

rat bhar diwar par rangin se manzar chale

phir sarak par ban rahe hain kitne shishe ke makan

dekhiye phir jhonpron se kab koi patthar chale

maikade qanun ke bistar pe ja ke so chuke

rat adhi ja chuki ab ham bhi apne ghar chale