اپنے کو آغاز کو انجام میں پایا ہم نے

اپنے کو آغاز کو انجام میں پایا ہم نے

راز کیا پردۂ ابہام میں پایا ہم نے

کھو گیا تھا جو کبھی بھیڑ میں چہروں کی اسے

اپنی تنہائی کی ہر شام میں پایا ہم نے

ریت بھرتے رہے آنکھوں میں سرابوں کی سدا

عذر جینے کا اسی کام میں پایا ہم نے

کتنے شیریں لب ناگفتہ مگر تھے اس کے

لطف کچھ اور ہی دشنام میں پایا ہم نے

تم تو ڈھونڈا کیے امید و یقیں میں اس کو

دل کی ہر خواہش ناکام میں پایا ہم نے

apne ko aghaz ko anjam mein paya ham ne

raz kya parda-e-ibham mein paya ham ne

kho gaya tha jo kabhi bhir mein chehron ki use

apni tanhai ki har sham mein paya ham ne

ret bharte rahe ankhon mein sarabon ki sada

uzr jine ka isi kam mein paya ham ne

kitne shirin lab-e-nagufta magar the us ke

lutf kuchh aur hi dushnam mein paya ham ne

tum to dhunda kiye ummid-o-yaqin mein us ko

dil ki har khwahish-e-nakam mein paya ham ne