ٹپکتے شعلوں کی برسات میں نہاؤں گا

ٹپکتے شعلوں کی برسات میں نہاؤں گا

اب آ گیا ہوں تو اس شہر سے نہ جاؤں گا

کشش ہے گھر میں نہ باہر کی رونقیں باقی

یونہی رہا تو کہاں جا کے مسکراؤں گا

یہ گیلی گیلی سی خوشبو یہ نرم نرم نگاہ

تمہارے پاس رہا میں تو بھیگ جاؤں گا

بسا سکو تو بسا لو مجھے خیالوں میں

کہ اس دیار میں دوبارہ میں نہ آؤں گا

قدم سمیٹ کے چلنا بھی سیکھ جاؤ گے

تمہیں میں گاؤں کی پگڈنڈیاں دکھاؤں گا

چلا تھا ڈھونڈنے میں زندگی کی بنیادیں

پتہ نہ تھا کہ خود اپنا پتہ نہ پاؤں گا

نہ ہوں گا میں تو مری داستان ہوگی نظرؔ

زمیں پہ دھوپ کی صورت میں پھیل جاؤں گا

tapakte sholon ki barsat mein nahaunga

ab a gaya hun to is shahr se na jaunga

kashish hai ghar mein na bahar ki raunaqen baqi

yunhi raha to kahan ja ke muskuraunga

ye gili gili si khushbu ye narm narm nigah

tumhare pas raha main to bhig jaunga

basa sako to basa lo mujhe khayalon mein

ke is dayar mein dobara mein na aunga

qadam samet ke chalna bhi sikh jaoge

tumhen main gaon ki paggdandiyan dikhaunga

chala tha dhundne mein zindagi ki buniyaden

pata na tha ke khud apna pata na paunga

na hunga mein to miri dastan hogi nazar

zamin pe dhup ki surat mein phail jaunga