زہر پیے مدہوش اندھیری رات

زہر پیے مدہوش اندھیری رات

ناگن سی خاموش اندھیری رات

دن کی صورت مجھ کو بھی کھا جا آ کر

میں بھی ہوں بے ہوش اندھیری رات

شہروں میں خاموشی ہی خاموشی تھی

طوفاں تھا پرجوش اندھیری رات

کیا جانے کس نے اوڑھا میرا پیکر

میں خواب خرگوش اندھیری رات

چاندی جیسی کرنیں مجھ پر مت ڈالو

میرا تو سرپوش اندھیری رات

نیند کہاں میرے گھر آئے گی بدنامؔ

میں خانہ بر دوش اندھیری رات

zahr piye madhosh andheri rat

nagin si khamosh andheri rat

din ki surat mujh ko bhi kha ja a kar

main bhi hun be hosh andheri rat

shahron mein khamoshi hi khamoshi thi

tufan tha purjosh andheri rat

kya jane kis ne orha mera paikar

main khwab-e-khargosh andheri rat

chandi jaisi kirnen mujh par mat dalo

mera to sarposh andheri rat

nind kahan mere ghar aegi badnam

main khana bar dosh andheri rat