باغ دل میں کوئی غنچہ نہ کھلا تیرے بعد

باغ دل میں کوئی غنچہ نہ کھلا تیرے بعد

بھول کر آئی نہ اس سمت صبا تیرے بعد

تیری زلفوں کی مہک تیرے بدن کی خوشبو

ڈھونڈھتی پھرتی ہے اک پگلی ہوا تیرے بعد

وہی میلے وہی پنگھٹ وہی جھولے وہی گیت

گاؤں میں پر کوئی تجھ سا نہ ملا تیرے بعد

اندھی راتوں کی سیاہی مرا مقدور ہوئی

کوئی تارا مرے آنگن نہ گرا تیرے بعد

دے دیا اپنے دل و جان کا اک اک قطرہ

اور کیا چاہتی ہے تیری صدا تیرے بعد

جسم میرا تھا مگر روح کا مالک تھا اور

کیسی عیاری کا یہ راز کھلا تیرے بعد

حد امکان تلک کرنیں وفا کی بکھریں

جسم میرا کئی زخموں سے سجا تیرے بعد

تو ہی غالب نہیں اک جور فلک کا مارا

میرے گھر آیا ہے طوفان بلا تیرے بعد

کسی خوش فہمی میں رہتا ہے تو بدنام نظرؔ

کون رکھے گا تجھے یاد بھلا تیرے بعد

bagh-e-dil mein koi ghuncha na khula tere baad

bhul kar ai na us samt saba tere baad

teri zulfon ki mahak tere badan ki khushbu

dhundhti phirti hai ik pigli hua tere baad

wahi mele wahi panghat wahi jhule wahi git

gaon mein par koi tujh sa na mila tere baad

andhi raton ki siyahi mira maqdur hui

koi tara mire angan na gira tere baad

de diya apne dil-o-jan ka ik ik qatra

aur kya chahti hai teri sada tere baad

jism mera tha magar ruh ka malik tha aur

kaisi ayyari ka ye raz khula tere baad

had-e-imkan talak kirnen wafa ki bikhren

jism mera kai zakhmon se saja tere baad

tu hi ghalib nahin ik jaur-e-falak ka mara

mere ghar aya hai tufan-e-bala tere baad

kisi khush fahmi mein rahta hai to badnam nazar

kaun rakhega tujhe yad bhala tere baad