مرے ساتھ چلتے چلتے یہ کہاں ٹھہر گئے تم

مرے ساتھ چلتے چلتے یہ کہاں ٹھہر گئے تم

شب غم کٹے گی کیسے جو ابھی سے ڈر گئے تم

وہاں شمع کیا جلے گی جہاں بجھ گئے مراسم

وہاں چاند کیا کرے گا جہاں شام کر گئے تم

مرے سامنے پڑا ہے ابھی آنسوؤں کا دریا

مرے ساتھ پانیوں میں یہ کہاں اتر گئے تم

جہاں دفن ہے محبت بڑی بے وفا جگہ تھی

نہ کبھی ادھر گئے ہم نہ کبھی ادھر گئے تم

کبھی آ کے دیکھ جاؤ مری محویت کا عالم

وہی درد چن رہا ہوں جو بکھیر کر گئے تم

mire sath chalte chalte ye kahan thahar gae tum

shab-e-gham kategi kaise jo abhi se dar gae tum

wahan shama kya jalegi jahan bujh gae marasim

wahan chand kya karega jahan sham kar gae tum

mire samne para hai abhi ansuon ka dariya

mire sath paniyon mein ye kahan utar gae tum

jahan dafn hai mohabbat bari be wafa jagah thi

na kabhi idhar gae ham na kabhi idhar gae tum

kabhi a ke dekh jao miri mahwiyyat ka alam

wahi dard chun raha hun jo bikher kar gae tum