منتشر ذہن کی سوچوں کو اکٹھا کر دو

منتشر ذہن کی سوچوں کو اکٹھا کر دو

تم جو آ جاؤ تو شاید مجھے تنہا کر دو

در و دیوار پہ پڑھتا رہوں نوحہ کل کا

اس اجالے سے تو بہتر ہے اندھیرا کر دو

اے مرے غم کی چٹانو کبھی مل کر ٹوٹو

اس قدر زور سے چیخو مجھے بہرا کر دو

جا رہے ہو تو مرے خواب بھی لیتے جاؤ

دل اجاڑا ہے تو آنکھوں کو بھی صحرا کر دو

کچھ نہیں ہے تو یہ پندار جنوں ہے کیسر

تم کو مل جائے گریباں تو تماشا کر دو

muntashir zehn ki sochon ko ikattha kar do

tum jo a jao to shayad mujhe tanha kar do

dar-o-diwar pe parhta rahun nauha kal ka

is ujale se to behtar hai andhera kar do

ai mire gham ki chatano kabhi mil kar tuto

is qadar zor se chikho mujhe bahra kar do

ja rahe ho to mire khwab bhi lete jao

dil ujara hai to ankhon ko bhi sahra kar do

kuchh nahin hai to ye pindar-e-junun hai kesar

tum ko mil jae gareban to tamasha kar do