یہ خواب جو ہم سفر ہیں میرے

یہ خواب جو ہم سفر ہیں میرے

قاتل ہیں کہ چارہ گر ہیں میرے

وہ سامنے آسماں ہے لیکن

بھیگے ہوئے بال و پر ہیں میرے

میں شمع کہاں کہاں جلاؤں

بستی کے تمام گھر ہیں میرے

میرے لئے کتنی دیر روئیں

یہ لوگ جو چارہ گر ہیں میرے

یہ شام کہاں سے آ رہی ہے

مہکے ہوئے بام و در ہیں میرے

پھیلا تو گروں گا آسماں پر

پاؤں ایسی زمین پر ہیں میرے

دریا نے بہت دیا ہے قیصرؔ

کشتی نہ سہی بھنور ہیں میرے

ye khwab jo ham safar hain mere

qatil hain ke chara gar hain mere

wo samne asman hai lekin

bhige hue bal-o-par hain mere

main shama kahan kahan jalaun

basti ke tamam ghar hain mere

mere liye kitni der roen

ye log jo chara gar hain mere

ye sham kahan se a rahi hai

mahke hue bam-o-dar hain mere

phaila to girunga asman par

paon aisi zamin par hain mere

dariya ne bahut diya hai qaisar

kashti na sahi bhanwar hain mere