اس دور کی پلکوں پہ ہیں آنسو کی طرح ہم

اس دور کی پلکوں پہ ہیں آنسو کی طرح ہم

کچھ دیر میں اڑ جائیں گے خوشبو کی طرح ہم

بڑھ کر کسی دامن نے بھی ہم کو نہ سنبھالا

آنکھوں سے ٹپکتے رہے آنسو کی طرح ہم

کس پھول سے بچھڑے ہیں کہ پھرتے ہیں پریشاں

جنگل میں بھٹکتی ہوئی خوشبو کی طرح ہم

اب دن کے اجالے میں ہمیں کون پکارے

چمکے تھے کبھی رات میں جگنو کی طرح ہم

ہر موڑ پہ آئیں ترے دامن کی ہوائیں

ہر چھاؤں کو سمجھے ترے گیسو کی طرح ہم

قیصرؔ ہمیں دنیا نے سمجھ کر بھی نہ سمجھا

الجھے ہی رہے کاکل اردو کی طرح ہم

is daur ki palkon pe hain ansu ki tarah ham

kuchh der mein ur jaenge khushbu ki tarah ham

barh kar kisi daman ne bhi ham ko na sambhala

ankhon se tapakte rahe ansu ki tarah ham

kis phul se bichhre hain ke phirte hain pareshan

jangal mein bhatakti hui khushbu ki tarah ham

ab din ke ujale mein hamen kaun pukare

chamke the kabhi rat mein jugnu ki tarah ham

har mor pe aen tire daman ki hawaen

har chhaon ko samjhe tire gesu ki tarah ham

qaisar hamen duniya ne samajh kar bhi na samjha

uljhe hi rahe kakul urdu ki tarah ham