عہد جنوں میں بیٹھے بیٹھے جو غزلیں لکھ ڈالی تھیں

عہد جنوں میں بیٹھے بیٹھے جو غزلیں لکھ ڈالی تھیں

ہم کو رسوا دنیا بھر کو پاگل کرنے والی تھیں

آنکھوں میں وہ شام کا ٹکڑا اکثر چبھتا رہتا ہے

گھر میں آندھی جب آئی تھی شمعیں جلنے والی تھیں

چاند ستارے ٹوٹ رہے تھے خوابوں کی انگنائی میں

آنکھ کھلی تو دیکھا گھر کی سب دیواریں کالی تھیں

چٹکی بھر امید نہیں تھی کاسہ لے کر کیا پھرتے

شہر وفا کی ساری گلیاں اپنی دیکھی بھالی تھیں

پیار کا موسم بیت چکا تھا بستی میں جب پہنچے ہم

لوگوں نے پھولوں کے بدلے تلواریں منگوا لی تھیں

قیصرؔ دل کا حال سنا کر جب یاروں کا منہ دیکھا

سب کے چہرے سوکھے سوکھے سب کی آنکھیں خالی تھیں

ahd-e-junun mein baithe baithe jo ghazlen likh dali thin

ham ko ruswa duniya bhar ko pagal karne wali thin

ankhon mein wo sham ka tukra aksar chubhta rahta hai

ghar mein andhi jab ai thi shamen jalne wali thin

chand sitare tut rahe the khwabon ki angnai mein

ankh khuli to dekha ghar ki sab diwaren kali thin

chutki bhar ummid nahin thi kasa le kar kya phirte

shahr-e-wafa ki sari galiyan apni dekhi bhali thin

pyar ka mausam bit chuka tha basti mein jab pahunche ham

logon ne phulon ke badle talwaren mangwa li thin

qaisar dil ka hal suna kar jab yaron ka munh dekha

sab ke chehre sukhe sukhe sab ki ankhen khali thin