ایک ایسے مکاں میں ٹھہرے ہیں

ایک ایسے مکاں میں ٹھہرے ہیں

جس کے باہر انا کے پہرے ہیں

شام پنچھی کہاں گزاریں گے

شاخ گل پر جلے بسیرے ہیں

ہم تو ملبہ ہیں نا شناسی کا

ٹوٹے پھوٹے سے چند چہرے ہیں

آج بانٹی ہے دھوپ سورج نے

اپنے دامن میں کیوں اندھیرے ہیں

جال ٹوٹے ملے ہیں ساحل پر

کون جانے کہاں مچھیرے ہیں

ek aise makan mein thahre hain

jis ke bahar ana ke pahre hain

sham panchhi kahan guzarenge

shakh-e-gul par jale basere hain

ham to malba hain na shanasi ka

tute phute se chand chehre hain

aj banti hai dhup suraj ne

apne daman mein kyun andhere hain

jal tute mile hain sahil par

kaun jane kahan machhere hain