بستی میں ہے وہ سناٹا جنگل مات لگے

بستی میں ہے وہ سناٹا جنگل مات لگے

شام ڈھلے بھی گھر پہنچوں تو آدھی رات لگے

مٹھی بند کئے بیٹھا ہوں کوئی دیکھ نہ لے

چاند پکڑنے گھر سے نکلا جگنو ہات لگے

تم سے بچھڑے دل کو اجڑے برسوں بیت گئے

آنکھوں کا یہ حال ہے اب تک کل کی بات لگے

تم نے اتنے تیر چلائے سب خاموش رہے

ہم تڑپے تو دنیا بھر کے الزامات لگے

خط میں دل کی باتیں لکھنا اچھی بات نہیں

گھر میں اتنے لوگ ہیں جانے کس کے ہات لگے

ساون ایک مہینے قیصرؔ آنسو جیون بھر

ان آنکھوں کے آگے بادل بے اوقات لگے

basti mein hai wo sannata jangal mat lage

sham dhale bhi ghar pahunchun to adhi rat lage

mutthi band kiye baitha hun koi dekh na le

chand pakarne ghar se nikla jugnu hat lage

tum se bichhre dil ko ujre barson bit gae

ankhon ka ye hal hai ab tak kal ki bat lage

tum ne itne tir chillae sab khamosh rahe

ham tarpe to duniya bhar ke ilzamat lage

khat mein dil ki baten likhna achchhi bat nahin

ghar mein itne log hain jane kis ke hat lage

sawan ek mahine qaisar ansu jiwan bhar

in ankhon ke age badal be auqat lage